Picture Gallery 2023
Picture Gallery 2023
Muzaffarabad :
On August 5, 2023, Mr. Justice Raza Ali Khan, Hon’ble Judge of the Supreme Court, took the oath as the Acting Chief Justice of Azad Jammu and Kashmir. The oath was administered by Mr. Sultan Mehmood Chaudhry, the esteemed President of Azad Jammu & Kashmir, at the Presidential Secretariat, President’s House Muzaffarabad.
صدارتی سیکرٹریٹ،ایوان صدر،کشمیر ہاؤس،اسلام آباد
10-07-2023
٭٭٭٭
اسلام آباد( )10 جولائی 2023ء
آزادجموں و کشمیر سپریم کورٹ کے سینئر ترین جج جسٹس خواجہ محمد نسیم نے قائمقام چیف جسٹس آزاد جموں وکشمیر کے عہدے کا حلف اُٹھایا۔آزادجموں و کشمیر کے صدر بیرسٹر سلطان محمود چوہدری نے جسٹس خواجہ محمد نسیم سے قائمقام چیف جسٹس کے عہدے کا حلف لیا۔تقریب حلف برداری جموں و کشمیر ہاؤس اسلام آبادمیں منعقد ہوئی۔تقریب میں وزیراعظم آزادکشمیر چوہدری انوارالحق،موسٹ سینئر وزیر کرنل(ر) وقار احمد نور،وزراء حکومت جاوید اقبال بڈھانوی،عبدالماجد خان،چیئرمین وزیراعظم معائنہ کمیشن پیر مظہر الحق،رکن اسمبلی محترمہ نبیلہ ایوب، جج سپریم کورٹ جسٹس رضا علی خان،چیف جسٹس ہائی کورٹ جسٹس صداقت حسین راجہ،ہائی کورٹ کے ججزجسٹس محمد اعجاز خان، جسٹس چوہدری خالد رشید،جسٹس میاں عارف حسین،چیف الیکشن کمشنر جسٹس(ر) عبدالرشید سلہریا،سابق جج ہائی کورٹ جسٹس سردار عبدالحمید، جسٹس(ر) سردار محمد حبیب ضیا،ایڈوکیٹ جنرل خواجہ محمد مقبول وار،چیئرمین وممبران سروسز ٹریبونل،جج الیکشن ٹریبونل،چیئرمین ماحولیاتی ٹریبونل،ایڈوکیٹ جنرل،ایڈیشنل ایڈوکیٹ جنرل،وائس چیئرمین بار کونسل اور صدور سپریم کورٹ وہائی کورٹ بار ایسوسی ایشن سمیت وکلاء اور سماجی شخصیات نے شرکت کی۔تقریب میں سیکرٹری قانون،انصاف و پارلیمانی امور ارشاداحمد قریشی نے قائمقام چیف جسٹس کا نوٹیفکیشن پڑھ کر سنایا۔
٭٭٭٭٭
)میرپور)پی آئی ڈی)15جون 2023
چیف جسٹس آزاد جموں و کشمیر راجہ سعید اکر م خان نے کہا ہے کہ اداروں کی عمارات ریاست کا چہرہ ہوتی ہیں۔اس حوالے سے سپریم کورٹ رجسٹری برانچ میرپورکی عمارت اسٹیٹ آف آرٹ نوعیت کی تعمیر کی جائے گی جو آئندہ 50سالوں کی تمام ضروریات پوری کر ئے جس میں کورٹس رومز،چیمبرز اور دیگر دفاتر ہونگے اس عظیم ریاستی شاہکار منصوبہ کی تکمیل کے لیے حکومت آزاد کشمیر نے فراخدلی سے جگہ اور فنڈز فراہم کیے اور عدالتوں کی بلڈنگ کو پہلی دفعہ اپنی ترجیحات میں رکھا جس کے لیے حکومت کے شکر گزار ہیں۔بار اور بنچ کا رشتہ کسی سے ڈھکا چھپا نہیں ہے۔ وکلاء کا وقار عدالتوں سے ہے عدالتوں کا وقار وکلاء کے ساتھ ہے اس پر کوئی دو آراء نہیں ہیں۔سپریم کورٹ ریاست کی ایپکس کورٹ ہے جوفیصلے قانون وآئین کی حدود کے اندر رہ کر کرتی ہے۔عدالتی فیصلے کسی کی پسندیا ناپسند پر نہیں ہوتے اگر کسی کو عدالتی فیصلوں پر اطمینان نہ ہوتو وہ نظر ثانی میں جاسکتا ہے۔ہمیں کوئی شوق نہیں ہے کہ کسی کے دائرہ کار میں داخل ہوں اور اور اگر کوئی عدالتی معاملات میں مداخلت کرے گا تو پھر اسے قانون کا سامنا کرنا پڑے گا۔کوئی ادارہ قانون و آئین سے مبرا نہیں ہے۔ہر فرد کو اپنے حق کے لیے آخر کار عدالتوں میں ہی آنا پڑتاہے۔
ان خیالات کا اظہار انھوں نے سپریم کورٹ رجسٹری برانچ میرپور کی نئی عمارت کاسنگ بنیا رکھنے کے موقع پر منعقدہ تقریب سے خطاب کرتے ہوئے کیا۔اسٹیج سیکرٹری کے فرائض سیکرٹری PPHغلام بشیر مغل نے سرانجام دیے جبکہ ڈائریکٹرجنرلCDO اخلاق کیانی نے نئی تعمیر ہونے والی بلڈنگ کے بارے میں بریفنگ دی اور بتایا کہ ساڑھے گیارہ کنال رقبہ پر محیط سپریم کورٹ کی نئی عمارت تعمیر کی جائے گی جس کا ڈیزائن اسلام آباد اور لاہور کی ہائی کورٹس کے ماڈل کے طرز کا ہوگا۔تین منزلہ عمارت میں کورٹس رومز،چیمبرز،رجسٹری برانچ آفسز،لائبریری،کانفرنس رومز،ریکارڈ رومز،ججز،ایڈمن و پبلک پارکنگ اور دیگر سہولیات موجود ہونگی۔یہ منصوبہ قلیل المدت کا منصوبہ ہوگا اور ریاست جموں و کشمیر کی تاریخ کا عکاس ہو گا۔سپریم کورٹ رجسٹری برانچ کی سنگ بنیاد رکھنے کی تقریب میں سپریم کورٹ کے سینئر جج جسٹس خواجہ محمد نسیم،جج سپریم کورٹ جسٹس رضا علی خان، چیف جسٹس عدالت العالیہ آزاد کشمیر جسٹس صداقت حسین راجہ،جج ہائی کورٹ میرپور اعجاز احمد خان،جج ہائی کورٹ جسٹس خالد رشیدچوہدری،سابق ایڈھاک جج سپریم کورٹ جسٹس محمد یونس طاہر،ممبر اسمبلی محترمہ نبیلہ ایوب،ڈپٹی رجسٹرار سپریم کورٹ افتخار شوکت،وائس چیئرمین بار کونسل راجہ ندیم ایڈووکیٹ،کمشنر چوہدری شوکت علی،ڈی آئی جی ڈاکٹر خالد محمود چوہان،ڈپٹی کمشنر چوہدری امجد اقبال،ایس ایس پی راجہ عرفان سلیم،چیف انجینئر تعمیرات عامہ تنویر انجم قریشی، ایس ای بلڈنگ اورنگزیب خان،ایکسین تعمیرات عامہ بلڈنگ شہزادہ اورنگزیب،صدر سپریم کورٹ بار ایسوسی ایشن محمد زبیر راجہ ایڈووکیٹ،صدر ہائی کورٹ بار سردار حامد رضاایڈووکیٹ،صدر ڈسٹرکٹ بار ایسوسی ایشن کامران طارق ایڈووکیٹ،سابق وائس چیئرمین بار کونسل راجہ خالد محمود خان،سابق صدر سپریم کورٹ بار سید نشاط کاظمی ایڈووکیٹ،سابق صدر بار حاجی انور خان اور وکلاء کی بڑی تعداد نے شرکت کی۔
چیف جسٹس آزاد جموں و کشمیر راجہ سعید اکر م خان نے کہا کہ آادجموں و کشمیر کی عدالتوں نے ہمیشہ عوامی مفاد میں آئین و قانون کے مطابق فیصلے کیے ہیں۔میرپور میں تجاوزات کے خاتمے اور عوامی مفاد کے رقبہ جات کی واگزاری کے لیے تفصیلی فیصلے کیے اب ان واگزار رقبوں پر پارک اور گرین بلیٹ قائم ہو چکے ہیں شہری ان سے مستفید ہو رہے ہیں۔انہوں نے کہا کہ سپریم کورٹ اور ہائی کورٹ آئینی عدالتیں ہیں جن کا بنیادی کام آئین کی تشریح اور انصاف کی فراہمی ہے۔آئین ریاست کا سپریم قانون ہے عدالتیں پسند اور نا پسند کے بجائے ہمیشہ آئین اور قانون کے مطابق فیصلے کرتی ہیں جس کی تعمیل اور عملدرآمد ہر صورت کیا جانا ہوتا ہے یہی آئین اور قانون کی منشاہے۔ کوئی شخص یا ادارہ قانون و آئین سے بالاتر نہیں ہے۔سپریم کورٹ آزاد کشمیر کی ایپکس کورٹ ہے اس حوالے سے اس کورٹ کی عمارت بھی اسٹیٹ آف آرٹ ہونی چاہیے انھوں نے کہا کہ سپریم کورٹ کا یہ منصوبہ ریوایزنگ کے چکر میں نہیں جانا چاہیے۔سپریم کورٹ بلڈنگ کمیٹی کی مشاورت سے ایک ہی مرتبہ تمام ضروریات کے مطابق بلڈنگ ڈیزائن کی جائے اور مقررہ مدت میں ہی مکمل کیا جائے۔
Rawalakot (18-May-2023)
The Chief Justice of Azad Jammu & Kashmir, Mr. Justice Raja Saeed Akram Khan, the Senior Judge of the Supreme Court, Mr. Justice Khawaja Muhammad Nasim, the Judge of the Supreme Court, Mr. Justice Raza Ali Khan, the Judge of the High Court, Mr. Justice Sardar Liaquat Shaheen, District Judge Poonch Raja Shamreez Khan, Advocate General Khwaja Maqbool War, and President of the District Bar Rawalakot Sardar Khalid Mehmood Khan, collectively conducted a tree planting ceremony within the premises of the Judicial Complex in Rawalakot.
مظفرآباد: آزاد جموں و کشمیر کے معزز چیف جسٹس جناب جسٹس راجہ سعید اکرم خان 12 اپریل 2023 کو صدام حسین ایڈووکیٹ کو انرولمنٹ سرٹیفکیٹ دیتے ہوئے
میرپور (پی آئی ڈی)20مارچ2023ء
چیف جسٹس آزاد کشمیر جسٹس راجہ سعید اکرم خان نے سپریم کورٹ کے سینئر جج جسٹس خواجہ محمد نسیم،جسٹس رضا علی خان کے ہمراہ سپریم کورٹ رجسٹری برانچ میرپور کی مختص شدہ اراضی پر مختلف قسم کے پودے لگائے اور سپریم کورٹ کی نئی تعمیر ہونے والی عمارت کے لیے مختص کی گئی جگہ کا معائنہ کیا۔اس موقع پر ایڈووکیٹ جنرل خواجہ وار، چیف پراسیکوٹر احتساب بیور و سردار امجدا سحاق، ڈپٹی کمشنر چوہدری امجد اقبال،صدر سپریم کورٹ بار ایسوسی ایشن زبیر احمد راجہ ایڈووکیٹ اور وائس چیئرمین بار کونسل راجہ محمد ندیم خان، بانی صدر و وائس چیئرمین بار کونسل حاجی چوہدری منصف داد،صدر ڈسٹرکٹ بار ایسوسی ایشن کامران طارق ایڈووکیٹ،نائب صدر سردار فضل رازق ایڈووکیٹ،ایکسین بلڈنگ شہزادہ اورنگزیب،راجہ شاہد ایڈووکیٹ نے بھی پودے لگائے۔اس موقع پر سپریم کورٹ کے ایڈیشنل رجسٹرار افتخار شوکت،ناظم جنگلات ملک عمران صادق،مہتمم جنگلات راجہ عمران شفیع اور دیگر وکلاء اور افسران بھی موجود تھے۔
مظفرآباد 7مارچ2023
چیف جسٹس آزادجموں وکشمیر جسٹس راجہ سعید اکرم خان سے Cleft hospital گجرات پاکستان کے سربراہ ڈاکٹر اعجاز بشیر کی سربراہی میں برطانیہ اور پاکستان سے آنے والے ڈاکٹرز کے 12 رکنی وفدکی ملاقات۔ کٹے ھونٹ اور تالو کی پیوندکاری کے سلسلہ میں آگاہی کے لیے چیف جسٹس آزاد جموں و کشمیر نے عائشہ بشیر ٹرسٹ گجرات کی جانب سے خدمات کو سراہتے ہوئے اسے انسانیت کی عظیم خدمت قرار دیا۔ چیف جسٹس آزاد جموں و کشمیر نے ڈاکٹرز سے بات چیت کے دوران آزاد جموں و کشمیر کے مختلف اضلاع میں کیمپ منعقد کرنے اور مصنوعی اعضا کی پیوند کاری کے لیے آگاہی مہم چلانے کی ضرورت پر زور دیا۔ انہوں نے برطانیہ سے آنے والی خواتین ڈاکٹرز کا خصوصی طورپر شکریہ ادا کرتے ہوئے انہیں انسانیت کی خدمت پر خراج تحسین پیش کیا۔ اس موقع پر عائشہ بشیر ٹرسٹ کے سربراہ ڈاکٹر اعجاز بشیر نے کہا کہ ان کا ہسپتال بچوں کے کٹے تالو اور کٹے ہونٹوں کی پیوندکاری مفت کرتا ہے۔ اس سلسلہ میں آزاد کشمیر کے دارالحکومت مظفرآبادمیں مڈ لینڈ ڈاکٹرز ہسپتال میں متعدد فری میڈیکل کیمپ منعقد کئے جا چکے ہیں جہاں پر بہت سے آپریشن ہوچکے ہیں۔ عائشہ بشیر ٹرسٹ مستقبل قریب میں مفت علاج کا یہ سلسلہ پورے آزاد جموں و کشمیر میں لے جانے کا ارادہ رکھتی ہے۔
میرپور: یکم مارچ2023
ایڈہاک جج سپریم کورٹ جسٹس محمد یونس طاہر کی عدالتی خدمات کے اعتراف میں سپریم کورٹ رجسٹری برانچ میرپور میں الوداعی تقریب کا انعقاد کیا گیا، جس میں چیف جسٹس آزاد کشمیر جسٹس راجہ سعید اکرم خان ، سینئر جج سپریم کورٹ جسٹس خواجہ محمد نسیم ،جج سپریم کورٹ جسٹس رضا علی خان کے علاؤہ رجسٹرار سپریم کورٹ ،آفیسران و اہلکاران نے شرکت کی ، ایڈہاک جج جسٹس محمد یونس طاہر نے اپنے عرصہ کے دوران تقریباً 550 کے قریب فیصلے کئے ، تقریب میں ان کی عدالتی خدمات کو سراہا گیا، تقریب کے اختتام پر چیف جسٹس آزاد جموں و کشمیر نے جسٹس محمد یونس طاہر کو تحائف پیش کیے ۔
میرپور: 24 فروری2023ء
چیف جسٹس آزاد جموں و کشمیر جسٹس راجہ سعید اکرم خان نے کہاہے کہ آج کا دور کمپیوٹر ٹیکنالوجی کا دور ہے جدید ٹیکنالوجی کے بغیر کسی شعبہ میں ترقی سے آگے نہیں بڑھا جاسکتا۔جدید اور کمپیوٹر ٹیکنالوجی وقت کی ضرورت ہے جس نے ہر کام کو آسان کردیا ہے۔ جے ایس کنسلٹنٹ اور ان کی پوری ٹیم کو مبارکباد دیتا ہوں جنھوں نے پہلی بار آزادکشمیر میں قانون کے حوالے سے موبائیل ایپ متعارف کروا کر بہت بڑا کام کیا ہے جس کی جتنی بھی حوصلہ افزائی کی جائے و ہ کم ہے۔یہ موبائل ایپ وکلاء اور قانون سے وابستہ لوگوں کے لیے سنگ میل ثابت ہوسکتی ہے اس سے زیادہ سے زیادہ استفادہ حاصل کیا جائے۔اس موبائل ایپ کو استعمال کرکے جونیئر وکلاء اس ایپ سے ریسریچ کرکے کورٹ کے معاملات کو آسانی طور پر یکسو کرسکتے ہیں۔
ان خیالات کا اظہار انہوں نے جے ایس کنسلٹنٹ کی طرف سے قانون کے حوالے سے موبائل ایپ لانچ کرنے کی افتتاحی تقریب سے خطاب کرتے ہوئے کیا۔ تقریب میں چیف جسٹس ہائی کورٹ جسٹس صداقت حسین راجہ، سپریم کورٹ کے سینئر جج جسٹس خواجہ محمد نسیم،جج سپریم کورٹ جسٹس رضا علی خان،جج سپریم کورٹ جسٹس محمد یونس طاہر،ہائی کورٹ کے جج جسٹس سردار محمد اعجاز خان،جج ہائی کورٹ جسٹس چوہدری خالد رشید، جے ایس کنسلٹنٹ کے جاوید اقبال ستی ایڈووکیٹ، ممبران بار کونسل،سپریم کورٹ بار،ڈسٹرکٹ بار ایسوسی ایشن اور وکلاء کی بڑی تعداد موجود تھی۔
تقریب سے خطاب کرتے ہوئے چیف جسٹس آزاد جموں و کشمیر جسٹس راجہ سعید اکرم خان نے کہاہے۔جدید ٹیکنالوجی نے زندگی کی ہر شعبہ میں انقلاب برپا کیا ہوا ہے جس سے استفادہ حاصل کرکے ہم زندگی کے ہر میدان میں کامیاب ہوسکتے ہیں۔قانون کے شعبہ میں آئی ٹی کا بڑا ہی اہم کردار ہے۔آج آئی ٹی کے شعبہ نے قانون کے معاملات کو بہت آسان کردیا ہے۔جے ایس کنسلٹنٹ اور ان کی پوری ٹیم نے آزادکشمیر کی تاریخ میں پہلی مرتبہ آئی ٹی کے شعبہ میں بہت بڑا کام کیا ہے۔
مظفرآباد (پی آئی ڈی)10جنوری2023
ٍ چیف جسٹس آزادجمو ں وکشمیر جسٹس راجہ سعید اکرم خان نے کہا ہے کہ عدلیہ نے کسی شخص کو خوش نہیں کرنا بلکہ بلا خوف انصاف پر مبنی فیصلے کرنے ہیں۔ ہم نے اللہ کے سامنے جوابدہ ہونا ہے اور اپنے فیصلوں پر علمدرآمد کو یقینی بنانا ہے۔ عدلیہ کے وقار اور عزت پر کوئی سمجھوتہ نہیں کریں گے۔ ایڈمنسٹریشن آف جسٹس میں وکلا کا کلیدی کردار ہوتا ہے۔ کسی بھی معاشرہ میں انصاف کی فراہمی کے لیے بنچز اور وکلاء لازم وملزوم ہیں۔ وکلاء کی عزت ہمارا فرض ہے۔ وکلاء کا فرض بھی ہے کہ کیس کی تیاری کر کے آئیں۔ عدالت کی معاونت کریں تاکہ عوام کو انصاف کی فراہمی ممکن ہو سکتے۔اعلیٰ عدلیہ کی ذمہ داری ہے کہ بروقت مقدمات کا فیصلہ یقینی بنایا جائے اور اس سلسلہ میں خود کو ماتحت عدلیہ کے لئے بطور نظیر پیش کرے۔ تاریخ ہمیں بتاتی ہے کہ مستقبل ہمیشہ غیر یقینی ہوتا ہے۔ہمیں نظام فراہمی انصاف میں معنی خیز اور مؤثر تبدیلی کے لئے بر وقت منصوبہ بندی کرنا ہو گی اور مطلوبہ تبدیلیوں کو مہارت کے ساتھ لاگو کرنا ہو گا۔ الحمدللہ سپریم کورٹ آزاد جموں و کشمیر میں کوئی بھی پرانا مقدمہ زیر کارنہیں ہے۔ 2020 اور 2021 کے چند مقدمات پنڈنگ ہوں گے۔ فاضل چیف جسٹس ہائی کورٹ کی جانب سے بتائے جانے والے اعدادو شمار سے ظاہر ہوتا ہے کہ ہائی کورٹ اور ماتحت عدلیہ میں قابل ستائش رفتار سے مقدمات کے فیصلے ہورہے ہیں اور میں اس کانفرنس کی وساطت سے فاضل چیف جسٹس ہائی کورٹ، ججز صاحبان اور ماتحت عدلیہ کو خراج تحسین پیش کرتا ہوں اور امید کرتا ہوں کہ وہ مستقبل میں بھی یہ سلسلہ جاری رکھیں گے۔ ان خیالات کا اظہار چیف جسٹس آزادجموں و کشمیر جسٹس راجہ سعید اکرم خان نے منگل کے روز آزادجموں وکشمیر عدالت العالیہ کے زیر اہتمام ”فراہمی انصاف میں تاخیر کے اسباب“ کے عنوان کے حوالہ سے منعقدہ10ویں جو ڈیشل کانفرنس سے خطاب کرتے ہوئے کیا۔ جوڈیشل کانفرنس سے چیف جسٹس آزادجموں وکشمیر عدالت العالیہ جسٹس صداقت حسین راجہ، جج ہائی کورٹ چوہدری خالد رشید، ایڈووکیٹ جنرل خواجہ محمد مقبول وار، سیکرٹری قانون وپارلیمانی امور ارشاد احمد قریشی، وائس چیئرمین سردار طارق مسعود خان، صدر سپریم کورٹ بار محمد زبیر راجہ ایڈووکیٹ، صدر ہائی کورٹ بار ہارون ریاض مغل، رجسٹرار عدالت العالیہ راجہ راشد نسیم خان و دیگر مقررین نے بھی خطاب کیا۔ جبکہ اس موقع پر سینئر جج سپریم کورٹ جسٹس خواجہ محمد نسیم، ججز سپریم کورٹ جسٹس رضا علی خان،، جسٹس محمد یونس طاہر، معزز ججز آزادکشمیر عدالت العالیہ جسٹس محمد حبیب ضیاء، جسٹس میاں محمد عارف،جسٹس سردار لیاقت حسین، جسٹس سید شاہد بہار،جسٹس محمد اعجاز خان، جسٹس چوہدری خالد رشید، سابق وزیراعظم راجہ محمد فاروق حیدر خان،اپوزیشن لیڈر چوہدری محمد لطیف اکبر، وزراء حکومت خواجہ فاروق احمد، دیوان علی خان چغتائی، چوہدری محمد رشید، ممبر اسمبلی سردار جاوید ایوب، چیف الیکشن کمشنر عبدالرشید سلہریا،سینئر ممبر الیکشن کمیشن راجہ محمد فاروق نیا، چیئرمین و ممبران سروس ٹریبونل،کسٹوڈین جائیداد متروکہ، سیکرٹری صاحبان حکومت،سربراہان محکمہ جات، صدور سپریم کورٹ،ہائی کورٹ بارایسوی ایشن،ممبران سپریم کورٹ و ہائی کورٹ بار ایسو سی ایشن،صدور و جنرل سیکرٹری ضلعی بار ایسو سی ایشن، ڈسٹرکٹ و سیشن ججز صاحبان، ضلع قاضی صاحبان، سینئر وکلاء،خواتین وکلاء اور ہائی کورٹ کے آفیسران و سٹاف بھی موجود تھے۔ جوڈیشل کانفنرنس سے خطاب کر تے ہوئے چیف جسٹس آزادکشمیر جسٹس راجہ سعید اکرم خان نے کہا کہ آزاد، غیر جانبدار اور موثر عدلیہ کی موجودگی کے بغیر مؤثر انصاف کی فراہمی ناممکن ہے۔ اس کا مطلب یہ ہے کہ عدالتوں، ججوں اور عدالتی عملے کو کسی بھی قسم کے دباؤ، اثر و رسوخ، مداخلت یا پابندی کے بغیر اپنا کام کرنے کے قابل ہونا چاہیے۔ عدالتی امور کی انجام دہی میں کسی بھی قسم کی رکاوٹ قانون کے اطلاق کے ساتھ ساتھ پرامن اور انصاف پسند معاشرے کے قیام میں رکاوٹ بنتی ہے۔عدالتی فیصلوں اور احکامات کا نفاذ اور ان پر عمل درآمد قانونی افراد اور انتظامی اداروں پر منحصر ہے۔ آئین کے تحت تمام ریاستی ادارے عدالتوں کی معاونت کے پابند ہیں۔انہوں ننے کہا کہ عدالتی احکامات پر عمل درآمد تمام ریاستی اداروں اور افراد کی آئینی ذمہ داری ہے اور خلاف ورزی موجب سزا ہے۔ ریاستی اداروں کی ذمہ داری ہے کہ وہ نہ صرف عدالتی فیصلوں پر من و عن عمل درآمد کریں بلکہ ترجیحی بنیادوں پر عدلیہ کے انفراسٹرکچر میں بہتری کے لئے ضروری وسائل کی فراہمی کو یقینی بنائیں۔ انہوں نے کہا کہ تاخیری انصاف کو روکنے کے لیے یہ ضروری ہے کہ ججز خود مختار ہوں اور مؤثر طریقے سے مقدمات کا فیصلہ کرنے اور کسی بھی تاخیر کو روکنے کے قابل ہو سکیں۔ جب عدالتی نظام غیر موثر ہو جاتا ہے تو معاشرہ کے ناقص افراد قانون کی تعبیر و تشریح اپنی مرضی سے کرتے ہیں۔ قانون سے کوئی بھی بالا تر نھیں ہے حتیٰ کہ کتنا ہی بڑا عہدیدار یا حکومتی ہی کیوں نہ ہو سب قانون کے تابع ہیں۔ اس کا بنیادی مقصد یہ ہے کہ قانون کے سامنے سب برابر ہیں اور کوئی شخص اس سے زیادہ کا حقدار نھیں ہے جو اسے قانون کے مطابق ملنا چاہیئے۔چیف جسٹس نے کہا کہ فراہمی انصاف میں جہاں عدلیہ کا بھرپور کردار ہے وہاں پر وکلاء کے کاندھوں پر بھی بھاری ذمہ داری عائد ہوتی ہے۔ بار کونسل اور تمام بار ایسوسی ایشنز کو اس سلسلہ میں اپنا کردار ادا کرنا ہو گا۔ جب تک وکیل مقدمہ عدالتوں کی صحیح معاونت نھیں کریں گے حصول انصاف کا خواب شرمندہ تعبیر نھیں ہو سکتا۔انہوں نے کہا کہ فراہمی انصاف میں حائل ایک بڑی رکاوٹ عدالتوں کے قیام میں تاخیر بھی ہے۔ الحمدللہ اس سلسلہ میں چیف جسٹس ہائی کورٹ نے خصوصی دلچسپی لی ہے اور انھوں عوام کو دہلیز پر فراہمی انصاف کے تصور کو مد نظر رکھتے ہوئے ضرورت کے پیش نظرنئی عدالتوں کے قیام اور عملہ کی تعیناتی پر توجہ دی ہے۔چیف جسٹس آزادجموں وکشمیر نے کہا کہ ہمیں کام کرنا آتا ہے قانو ن کی بالا دستی،انصاف کی فراہمی اور نظام کی بہتری کے لیے تمام اقدامات اٹھائیں گے۔ اس موقع پر جوڈیشل کانفرنس کے کامیاب انعقاد پر سب کو مبارکباد دیتا ہوں۔
جوڈیشل کانفرنس سے خطاب کرتے ہوئے چیف جسٹس آزادجموں وکشمیر عدالت العالیہ جسٹس صداقت حسین راجہ نے کہا کہ ہر ادارہ کو اپنے آئینی دائرہ کار کے اندر رہتے ہوئے اپنے فرائض سرانجام دینے ہوتے ہیں۔ آئین اور قانون میں Separation of powers کا جو تصور دیا گیا ہے، اس کو کبھی بھی Conflict of powerکے طور پر نہیں لیا جانا چاہیے۔ یہ المیہ اس وقت شروع ہوتا ہے جب Duel or Duet کا سوال جنم لیتا ہے اور یہ سوال یہاں پر بھی ریاست کے اندر لوگوں کی فلاح وبہبود کے لیے سرانجام دینے والے تمام اداروں کو Duetجوڑی کی ضرورت ہے نہ کہ Duel اور ان اختیارات کو مہذب معاشرے کے اندر اختیارات کی تقسیم کے فلسفہ پر استعمال کیا جا سکتا ہے۔ انہو ں نے کہا کہ ماضی ہمیشہ ماضی کی غلطیوں اور تجربات سے فائدہ اٹھانے کے لیے زندہ رہتا ہے۔ انہوں نے کہا کہ انصا ف کی فراہمی اور بنیادی حقوق کی حفاظت عدالتی نظام کی سب سے بڑی ذمہ داری ہے اور اسی ذمہ داری کو نبھاتے ہوئے عدالتی نظرثانی judicial Review کا اختیار اعلیٰ عدالتیں استعمال کرتی ہیں۔ انہوں نے کہا کہ عدالتی نظام کو موثر بنانے کے لیے قانون کی حکمرانی، شخصی آزادی اور بنیادی حقوق کی حفاظت کرنا ہو گی۔ انہوں نے کہا کہ اقوام متحدہ کی قراردادوں کی منشاء کے تحت کشمیری عوام کے مسلمہ حق خودارادیت کے حصول تک ہم ایک عارضی آئینی ڈھانچے میں کام کر رہے ہیں۔ ان کم وبیش7عشروں پر محیط عرصہ میں آزادکشمیر کی اعلی عدلیہ نیت حتی المقدور انصاف رسانی کے لیے کاوشیں کی ہیں جو تاریخ کا حصہ ہیں۔ انہوں نے کہا کہ ریاست میں انتظامیہ کو نظام حکومت چلانے کی غرض سے آئینی قواعد AJ&K Rules of Business 1985نافذ ہیں۔ میں سمجھتا ہوں کہ انتظامی انصاف کیء فراہمی میں رولز آف بزنس پر من وعن عمل کلیدی کردار ادا کر سکتا ہے لیکن بدقسمتی سے انتظامی امور کی انجام دہی میں ان قواعد سے دانستہ یا نادانستہ پہلو تہی کی جاتی ہے۔ نتیجتا ایسا انتظامی حکمنامہ عدالت کے روبرو آ جاتا ہے۔ خوعش قسمتی سے کانفرنس کے شرکاء میں آزادکشمیر کے Stake Holdersاور نمایا ں شخصیات تشریف فرما ہیں جو کسی نہ کسی طور اقتدار و اختیار سے وابستہ ہیں یا رہے ہیں۔ اس لیے ان کی موجودگی سے فائدہ اٹھاتے
کراچی 06 جنوری 2023
چیف جسٹس آزاد جموں و کشمیر جسٹس راجہ سعید اکرم خان کے اعزاز میں دورہ کراچی کے موقع پر سابق صدر سپریم کورٹ بار ایسوسی ایشن پاکستان یاسین آزاد ایڈووکیٹ کی جانب سے مقامی ہوٹل میں اعشائیہ کا اہتمام ، اعشائیہ کی تقریب سے خطاب کرتے ہوئے چیف جسٹس آزاد جموں و کشمیر جسٹس راجہ سعید اکرم خان نے کہا کہ کراچی میں جو پیار ملا ناقابل فراموش ہے، عدلیہ اور بار کا گہرا تعلق ہے میں دل کی اتھاہ گہرائیوں سے شکر گزار ہوں کہ آپ نے مجھے عزت بخشی، انھوں نے کہا کہ کشمیر پاکستان کا لازمی جز ہے، 75 سالوں سے کشمیری تکمیل پاکستان کی خاطر اپنی جانوں کا نظرانہ پیش کر رہےہیں،بھارت آئے روز انسانی حقوق کی خلاف ورزیاں کرتا آیا ہے اس کےباوجود عالمی ادارے خاموش ہیں جو کہ لمحہ فکریہ ہے،چیف جسٹس آزاد کشمیر نے کہا کہ پاکستان چائینہ اقتصادی راہداری میں کشمیر گٹ وے ہے، جس سے پورے پاکستان میں خوشحالی آئے گی، اس کے علاوہ آزاد کشمیر کے میگا پراجیکٹس جن میں نیلم جہلم ہائیڈرو پاور پراجیکٹ ،کوہالہ و منگلا ڈیم و دیگر شامل ہیں جن کی بدولت پاکستان روشن ہے، میرپور منگلا ڈیم کی تعمیر میں کشمیریوں نے اپنے آباؤ اجداد کی قبروں پر ڈیم کی تعمیر سے پاکستان کو روشن کیا ۔تقریب سے سابق صدر سپریم کورٹ بار پاکستان یاسین آزاد ایڈووکیٹ نے خطاب کرتے ہوئے کہا کہ میں چیف جسٹس آزاد کشمیر جسٹس راجہ سعید اکرم خان کا شکریہ ادا کیا کہ انھوں نے کراچی کے مختصر دورے کے دوران اعشائیہ میں شرکت کی ، اعشائیہ کی تقریب میں کراچی کے علاؤہ اسلام آباد ، لاڑکانہ ، سکھر اور حیدرآباد سے بار ایسوسی ایشنز کے عہدیداران و ممبرانِ نے شرکت کی ، تقریب میں سابق چیف جج گلگت بلتستان رانا شمیم، سابق صدر سپریم کورٹ بار پاکستان وممبر پاکستان بار کونسل سید قلب حسن شاہ،ایڈیشنل ایڈوکیٹ جنرل سندھ قاضی محمد بشیر ،ایڈیشنل ایڈووکیٹ جنرل سندھ محمد رفیق راجوری ،صدر سندھ ہائی کورٹ بار ایسوسی ایشن سلیم منگریو ایڈووکیٹ ،سابق صدر سندھ ہائی کورٹ بار خالد جاوید ایڈوکیٹ ،سالم سلام انصاری ایڈووکیٹ ،منیر اے ملک ایڈووکیٹ ممبر سندھ بار کونسل ، سردار عزیز نائب صدر سپریم کورٹ بار ایسوسی ایشن پاکستان ، فرید ڈایو ایڈووکیٹ سپریم کورٹ و پرنسپل ایس ایم لاء کالج ، ندیم قریشی کسٹم جج، وقار عباسی ایڈووکیٹ جنرل سیکرٹری کراچی بار، سیکرٹری سندھ ہائی کورٹ بار عامر نواز ورائچ ایڈووکیٹ ، عصمت مہدی ایڈووکیٹ ، سابق صدر سپریم کورٹ بار پاکستان صلاح الدین گنڈا پور ایڈووکیٹ، سید ذوالفقار حیدر شاہ ایڈووکیٹ ایگزیکٹو ممبر سپریم کورٹ بار پاکستان و دیگر نے شرکت کی ، تقریب کے اختتام پر معززین شرکاء نے تقریب کے مہمان خصوصی چیف جسٹس آزاد کشمیر جسٹس راجہ سعید اکرم خان کو سندھی اجرک پہنائی۔دریں اثنا صدر سندھ ہائی کورٹ بار ایسوسی ایشن سلیم منگوریو نے چیف جسٹس آزاد کشمیر کے اعزاز میں ظہرانہ کا اہتمام کرنے اور شرکت کی دعوت دی ،لیکن مختصر دورہ اور وقت کی قلت کے باعث شرکت ممکن نہ ہو سکی تاہم چیف جسٹس آزاد کشمیر نے یقین دہانی کروائی کہ بہت جلد دوبارہ کراچی دورہ کے دوران سندھ ہائی کورٹ بار کا وزٹ کروں گا .
کراچی 02 جنوری 2023ء
چیف جسٹس آزاد جموں و کشمیر جسٹس راجہ سعید اکرم خان کی قائد اعظم محمد علی جناح کے مزارپر حاضری،چیف جسٹس آزاد کشمیر نے مزار پر پھولوں کی چادر چڑھائی اور دعا کی،چیف جسٹس آزاد کشمیر نے مہمانوں کی کتاب میں اپنے تاثرات درج کئے۔ مزار پر پہنچے پر نیول دستے نے سلامی پیش کی۔
